Foreign direct investments and host country effects

Dr.polit. Torunn Kvinge

avla doktorgraden ved Universitetet i Oslo 12. oktober 2007.

Sammendrag

Investeringar på tvers av landegrenser er blitt svært vanleg dei siste tiåra og multinasjonale selskap er sentrale aktørar i verdsøkonomien. Mogelege verknader for land som er vertskap for slike selskap er tema for dette arbeidet.

Kvinge påpeiker at to ulike krefter seg gjeldande. På den eine sida har multinasjonale selskap gjerne spesiell kompetanse som i prinsippet kan bli overført til vertslandet og medføre auka produktivitet. På den andre sida vil slik kompetanse og andre eigarspesifikke føremonar selskapet måtte ha, kunna skapa barrierar for mogelege nyetableringar. Dette kan igjen medføre redusert konkurranse. Om vinninga er større enn ulempene er dermed usikkert og vil variere med ei rekkje faktorar, blant anna motivet bak investeringane.

Analyser av norske bedriftsdata for perioden 1990-1999 viser i gjennomsnitt ingen skilnad i produktivitetsutvikling mellom norsk kontrollerte og utanlandsk kontrollerte bedrifter to år etter at eit utanlandsk oppkjøp fann stad. Dei utanlandske dotterselskapa hadde i gjennomsnitt høgare prispåslag, noko som kan ha samanheng med at dei hovudsakeleg var å finna i marknadsnisjer med få konkurrentar. Kvinge stipulerer også dei økonomiske ringverknadene filialar av utanlandske selskap har for norskkontrollerte bedrifter innan same bransje og innan same industrielle klynge. Verknadane synest vera lågast når morselskapet er basert i Sverige og andre nordiske land. Det er likevel ikkje mogeleg å påvise nokon eintydig samanheng mellom kor morselskapet er heimehøyrande, kva kompetanse som eventuelt blir importert frå utlandet og ringverknader. Biletet blir dessutan forstyrra av at norskbaserte multinasjonale selskap investerer i Noreg gjennom sine dotterselskap i utlandet.